رصيف حكايات / لا تنتهي / وهو ..كان هناك/ في إنتظار مالا يجيء !
{ رحــلـة رصيف }
إللي كتب في سيرته عشرين جرح بلا ذنوب
...........................متورطـ ٍ في هالذنوب اللي جناها برغبته
من أول الساحل إلى طرف الرصيف من الجنوب
.......................ينساب من بين الكراسي اللي تشاكس ظلته
وفي آخر الركن البعيد إللي على كتف الدروب
.............................يتلعثم أنفاس البعيد اللي تجاهل سكته
لا صوت لا شارع وكنه كل ما حوله يذوب
.........................ويظل في عمق الخيال اللي يطارد صورته
كل ما يمر بهالرصيف اللي يغطيه الشحوب
..........................يتثاوب الآه التي من عام صارت آهـته
يتذكر المينا وضحكات النوارس والغروب
........................يتذكر الموج الصغير اللي يداعب خطوته
ويلم في عينه تواريخ الأحاسيس الكذوب
.........................من وين ما جا هالمكان يرد يكره جيته
ما تتركه ذيك الصور رغم المآسي والعيوب
...........................لأنه ترك في لونها أعظم معاني بصمته
لانه نسى في لذته يحسب تصاريف الغيوب
........................وان الحبل مهما اختفى لابد يوصل رقبته
الآه ذل ومعضله / أواه يا ما اقسى القلوب
.......................يارب لو ترحم ترى هالقلب حانت رحمته
إللي كتب في سيرته عشرين جرح بلا ذنوب
.......................متورطـ ٍ في هالذنوب اللي جناها برغبته
عبدالله البطاشي
ليست هناك تعليقات:
إرسال تعليق
التعليقات